Við útlitshönnun húsanna var lögð áhersla á fjölbreytileika í efnis- og litavali, húshliðar eru brotnar upp og hvert stigahús hefur sín sérkenni.

Mjúk og einföld form einkenna inngarðinn og skapa í senn fallega heild og rólegt yfirbragð milli húsanna. Grunnform garðsins gera jafnframt að verkum að aðkomuleiðir að húsunum verða skýrari en ella.

Staðsetning húsanna hefur í för með sér að verslanir og fjölbreytt þjónusta eru í göngufæri.